DHL- ширкати маъруфи логистикӣ ҷиҳати кумак ба соҳибкорон ва ҳунармандони Осиёи Марказӣ барои интиқоли маҳсулоташон ба харидорони байналмилалӣ ҳамроҳ шуд. DHL ба баҳрагирандагони лоиҳаи Ready4Trade-и Маркази тиҷорати байналмилалӣ, ки аз ҷониби Иттиҳоди Аврупо маблағгузорӣ мешавад, нархномаҳои махсус барои интиқоли маҳсулот аз соҳибкор ба харидор (B2C) пешниҳод мекунад, ки ин нархномаҳо аз нархномаҳои маъмулӣ ба таври қобили мулоҳиза арзонтар будаанд.
Ин ҳамкорӣ бо DHL ба зиёда аз 150 ширкат дар минтақа имконият фароҳам меорад, то харитаи тиҷорати байналмилалияшонро васеъ гардонанд, маҳсулоташонро ба ҳар муштарие дар нуқтаи дилхоҳи сайёра интиқол диҳанд ва ба ин восита рақобатпазир гарданд.
Нархномаҳои махсуси DHL ба ширкатҳои хурду миёнаи баҳрагирандаи лоиҳаи Ready4Trade дар Қазоқистон, Қирғизистон, Узбекистон, ва Тоҷикистон дастрас аст.
