Амонзода Ширин, вазири меҳнат, муҳоҷират ва шуғли аҳолии Тоҷикистон дар ҳошияи сафари худ ба Кореяи Ҷанубӣ бо вазири шуғли аҳолӣ ва меҳнати ин кишвар Ан Кёнг Дук дидору гуфтугӯ кардааст. Дар зимн Корея барои фаъол гардонидани муносибатҳои дуҷониба худ дар соҳаи шуғли аҳолӣ ва ба сатҳи нав расонидани он бо Тоҷикистон изҳори омодагӣ кардааст.
“Ҷониби Тоҷикистон дар мавриди имкони густариши доираи кор барои шаҳрвандони Тоҷикистон дар Корея ва имзои Созишнома байни Ҳукуматҳои Тоҷикистону Корея дар бораи ҳамкорӣ дар соҳаи муҳоҷирати меҳнатӣ ва ҳифзи иҷтимоии муҳоҷирони меҳнатӣ изҳори дархост кард”,- иттилоъ медиҳад Вазорати меҳнат, муҳоҷират ва шуғли аҳолии кишвар.
Ан Кёнг Дук, вазири шуғли аҳолӣ ва меҳнати Корея ба рушди ҳамаҷонибаи Тоҷикистон дар солҳои охир баҳои баланд дода, омодагии худро барои фаъол гардонидани муносибатҳои дуҷониба дар соҳаи шуғли аҳолӣ ва ба сатҳи нав расонидани онро таъкид намудааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
