Раҳимҷон Мирқосимов аз тариқи шабакаҳои YouTube, Instagram ва Facebook донишҳои андухтаи ҳуқуқиашро ба ҷомеа қисмат мекунад. Ӯ ҳоло донишҷӯи соли сеюми факултаи ҳуқуқшиносии Донишгоҳи миллии Тоҷикистон аст.
Раҳимҷон мегӯяд, солҳои аввали донишҷӯӣ иқдомҳои хуби дигаронро медид ва ба худ мақсад гузошт, ки донишҳои ҳуқуқиашро афзун ва онро ба дигарон низ меомӯзад.
Инак, як сол мешавад, ки Раҳимҷон дар Facebook ва камтар аз ин вақт дар YouTube ва Instagram ба норушаниҳо равшанӣ меандозад. Ӯ мавзӯҳои муҳим ва рӯзмараро интихоб карда, шарҳ медиҳад ва ин чунин обуначиҳояш дар шарҳу паёми шахсӣ савол медиҳанд.
“Ҳолате нест, ки саволкунанда аз ҷавоб қонеъ нашуда бошад. Зеро, ба дилхоҳ савол бо далел посух медиҳам.»
Раҳимҷон барои омода кардани наворҳояш ба китобҳои соҳавӣ ва устодонаш муроҷиат мекунад.
Ҳуқуқшиноси ҷавон ҳоло кӯшиш дорад то ҳамарӯза наворҳои гуногун омода ва манзури обуначиҳояш гардонад. Ӯ мегӯяд, ки бовуҷуди донишҷӯ буданаш ин кор ба дарсаш халал намерасонад ва ҳатто таҳсилро бо баҳои аъло идома медиҳад.
Ҳ. Тоҳирӣ
