Азизҷон Азимии 25-сола, яке аз ҷавонони муваффақи тоҷик маҳсуб ёфта, ҳоло муассиси аввалин лобороторияи зеҳни сунъӣ дар Осиёи Марказӣ – zypl.ai ва раиси Шӯрои зеҳни сунъии назди Вазорати саноат ва технологияҳои нави Ҷумҳурии Тоҷикистон мебошад.
Дар барномаи аввалини “Комёб” хостем аз асрори мувваффақияти ин ҷавони тоҷик бароятон қисса намоем.
Моро пайгирӣ ва аз комёбиҳои ҷавонон тариқи барномаи «Комёб» иттилоъ ба даст оред.
Азизҷон Азимӣ соли 1997 дар шаҳри Хуҷанд ба дунё омада, аз синихурдсолӣ ба омӯхтани забонҳои хориҷӣ шавқу рағбат доштааст. Ӯ дар синфи 9-ум дар озмуни байналмиллалии I-SWEEEP 2008 дар ш. Хюстони ИМА иштирок карда, сазовори ҷои 1-ум ва медали тилло гардида буд. Азизҷон пас аз ин ғолибият таҳсилро дар мактаби хусусии Разӣ дар ш. Ню-Йoрки ИМА давом дода, соли 2012 мактабро бо баҳои аъло, ҷоизаи академикии президенти вақти ИМА Барак Обама ва ҳамчун роҳбари «ҳукумати хонандагон» хатм кардааст. Вай баъдан дар факултаи аълохонони донишгоҳи Хофстра (Hofstra University) бо стипендияи президенти донишгоҳ таҳсилро давом дода, пас аз 1 соли хониш дар ин донишгоҳ ба Донишгоҳи Ню-Йорк (NYU) гузаштаст.
