МУВАФФАҚИЯТСистемаи ҷустории миллиро дар Тоҷикистон кӣ месозад?

Системаи ҷустории миллиро дар Тоҷикистон кӣ месозад?

-

Файзуллоҷон Сафаров

Як ҷавони тоҷик системаи ҷустории миллиро дар Тоҷикистон роҳандозӣ карданист.

Ба бовари ин ҷавон, системаи ҷустуҷӯ бо забони тоҷикӣ дар замони муосир нуктаи зарурии низоми мустақилӣ, амнияти миллӣ ва эҳтиром ба забони давлатӣ маҳсуб мешавад.

Системаи ҷустуҷӯ-маҷмӯи сахтафзор ва нармафзорест, ки барои иҷрои вазифаи ҷустуҷӯ дар Интернет ва посух додан ба дархости мизоҷон пешбинӣ шудааст.

“Рушди системаи миллии ҷустуҷӯ бо дарназардошти вижагиҳои миллии фазои иттилоотии кишвар ва пайвастани он бо барномаҳои давлатӣ бояд ба роҳ монда шавад.”,мегӯяд Файзуллоҷон Сафаров, устоди калони кафедраи Технологияҳои иттилоотӣ ва автоматикунонии филиали Донишгоҳи миллии таҳқиқотӣ-технологии МИСиС дар шаҳри Душанбе.

Ба бовари Файзуллоҷон, таъсиси системаи миллии ҷустуҷӯ (муҳаррики ҷустуҷӯ)  қадами муҳим дар рушди технологияҳои инноватсионӣ дар Тоҷикистон аст.

Зиндагии муосирро бемуҳаррикҳои ҷустуҷӯӣ тасаввур кардан душвор аст. Бинобар ин, зарурати таъсиси системаи миллии ҷустуҷӯ ба забони тоҷикӣ ба миён омада, ки аз он мизоҷон истифода карда тавонанд, забони модарӣ ва ё забони кориашон тоҷикӣ аст.

Ҳамарӯза миллионҳо ҳуҷҷатҳои нав дар Интернет пайдо мешаванд, табиист, ки бе системаҳои ҷустуҷӯ аксарияти онҳо беаҳамият боқӣ мемонанд, онҳоро касе умуман намеёбад ва ҳамаи ин миқдори бузурги маълумот бефоида аз байн меравад.

Роҳи маъмултарин ва истифодашавандаи ҷустуҷӯ дар Интернет ин истифодаи системаҳои ҷустуҷӯӣ мебошад.

Файзуллоҷон Сафаров дар як суханронии хеш таъкид мекунад, ки “Системаи миллии ҷустуҷӯ ба забони тоҷикӣ бояд тамоми манбаъҳои маълумот ва захираҳои иттилоотиро, ки ин ё он шакле, ба Тоҷикистон марбут аст, муттаҳид созад. Ин захираҳо дорои хусусиятҳои муайян хоҳанд шуд. Пеш аз ҳама забони давлатӣ, ҳар чизе, ки ба миллати бумӣ, тамоми тоҷикон ва тамоми сарватҳои тоҷикӣ дахлдорад, яъне комилан ҳама маълумоте, ки мафҳуми «миллиро» дар бар мегирад.” Даровардани системаи мазкур ба мо техника ва кумаки пулию молӣ лозим аст, ки бе онҳо идомаи кор мушкил аст.

Мутахассисони мо системаи миллии ҷустуҷӯии иттилоотро таҳия ва пешрафттар мегардонанд ва ин имкон медиҳад, ки дархостҳои ҷустуҷӯӣ бо дараҷаи баланди дақиқ тартиб дода шаванд, ки ин, албатта, аҳамияти натиҷаҳои бадастомадаро ба таври назаррас афзоиш дода истодааст.

Таҳлили дархостҳо ба забони тоҷикӣ аҳамияти амалии системаи ҷустуҷӯии миллиро равшан нишон хоҳад дод.

Фурқати Низом

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
7
+1
16
+1
0
+1
0
+1
0
+1
1
+1
0

ХАБАРҲОИ ОХИРИН

Дар кадом навъи Samsung хати сабз пайдо мешавад?

Дар дисплейи баъзе аз телефонҳои Galaxy S21 хати сабзи борик пайдо мешаванд. Сабаби дақиқ маълум нест, аммо он метавонад...

Мушкилоти келинҳои донишҷӯ

Зиндагии донишҷӯ-келинҳо соддаву оддӣ нест. Ба ҷуз иштирок дар дарсҳои донишгоҳӣ ташвишҳои ҳаррӯзаи хона зам мешаванд. Бархе аз ин донишҷӯ-келинҳо...

Ниммарафони байналмилалӣ дар Душанбе

Субҳи 20 апрели соли равон дар Наврӯзгоҳи пойтахт 14-умин Ниммарафони байналмилалӣ дар масофаи 21км 97м баргузор мегардад. Дар мусобиқа...

Samsung як планшети бехатарро барои кӯдакон муаррифӣ кард

Samsung планшети кӯдаконаи Galaxy Tab A9 Kids Edition -ро муаррифӣ кард. Samsung планшети Galaxy Tab A9 Kids Edition-ро муаррифӣ кард,...
spot_imgspot_img

Intel дафтари худро дар Нижний Новгород фурӯхт

Корпоратсияи амрикоии Intel бузургтарин дафтари худро дар Нижний Новгороди Русия фурӯхт. Дар ин бора ТАСС хабар медиҳад. Онҳо муддати тӯлонӣ...

Тарҳи 4 модели iPhone 16 расонаӣ шуд

Аксҳои тарҳи чаҳор модели iPhone 16 дар интернет паҳн шуд. Дар ин бора портали 9to5Mac бо такя ба Сонни...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад