Энтони Блинкен, вазири корҳои хориҷии Амрико номгӯи сурудҳоеро, ки давоми соли 2021 гӯш додааст, ба иштирок гузошт. Дар ин миён суруди «Камароб»-и Сафармуҳаммади Рустам ва Мастер Исмайл низ дида мешавад.
Ӯ дар муроҷиате аз тариқи саҳифаи твиттери хеш таъкид кардааст, ки мусиқӣ пайвандгари ҷомеаҳост:
“Мусиқӣ одамонро ба ҳам меорад — он аз марзҳо ва ҳама садҳои дигаре, ки метавонад моро аз ҳам ҷудо кунад, убур мекунад. Соли 2021 ба поён мерасад, ман баъзе сурудҳои дӯстдоштаи худро, ки имсол (ё ба наздикӣ) аз ҷониби ҳунармандони саросари ҷаҳон таҳия шудаанд, мубодила мекунам. Умедворам, ки шумо мисли ман лаззат мебаред.”,- навиштааст ин дипломати амрикоӣ дар твиттер.
Таронаи «Камароб»-и Сафармуҳаммади Рустам ва Мастер Исмайл моҳи марти соли 2021 ба бозор арза шуда буд, дар миёни 36 суруди мунтахаби Энтони Блинкен, вазири корҳои хориҷии Амрико дар зинаи 27-ум ҷой дорад.
