МУВАФФАҚИЯТҲайкалтароше ки мехоҳад барои тоҷикистониён хидмат кунад. Бинобар ин,...

Ҳайкалтароше ки мехоҳад барои тоҷикистониён хидмат кунад. Бинобар ин, ба хориҷ намеравад

-

Шерзамон Латипов аз соли 2006 ба ҳайкалтарошӣ машғул гардидааст. Тафовути ӯ аз дигар ҳайкалтарошон дар он аст, ки Шерзамон аз гил, оҳану санг, пластик ва чандин маҳсулоти дигар ҳайкал метарошад.

Шерзамон дарахти сунъӣ месозад, муҷассамаи ашхоси машҳурро меофарад, пайкараи ҳайвоноти ваҳширо омода менамояд, расмҳои хурду бузург тавсир мекунад.

Шерзамон Латипови 32-сола зодаи шаҳри Хуҷанд буда, аз овони кӯдакӣ ба корҳои падараш, ки ҳайкалтарошӣ мекард, зеҳн мемонд. Ӯ пас аз хатми синфи 9 ба Колеҷи санъати ба номи С.Ҳофиз дохил шуда, онро бо муваффақият хатм мекунад. Сипас ба Донишкадаи давлатии фарҳанг ва санъати ба номи Мирзо Турсунзода дохил шуда, баъд аз ду соли таҳсил ба Академияи давлатии санъат ва саноати Маскав роҳ меёбад.

Ҳоло дар Душанбе дар як бинои куҳна барои худ коргаҳ сохтааст. Ӯ мегӯяд аз субҳ то ҳиссае аз шаб дар коргоҳ кор мекунад, вале бо ин касб рӯзгорашро пеш бурда наметавонад. Зеро, талабгорон ба маҳсули дасташ кам буда, супориш низ ночиз аст.

Шерзамон бовар дорад, ки барои ободу зебо гардонидани шаҳри Душанбе корҳои зиёде анҷом дода метавонад. Вале замон лозим аст то бо ҳунараш таваҷҷуҳ шуда, ба ӯ бовар кунанд, ки қодир ба анҷоми ин ё он кор мебошад:

-Метавонам дар дигар кишвар зиндагӣ карда, мувафақият ба даст орам. Аммо итминон дорам, ки баъди чанд сол ҳунари мо дар кишварамон қадр мешавад ва мо Ватани худамонро ободу зебо мекунем. Бинобар ин, инҷо кор карда истодаем.

Ӯ ҳоло як шогирд дорад, ки дар корҳояш кумак мекунад. Лекин бештари корашро  ба танҳоӣ анҷом медиҳад.

Бузургтарин кори Шерзамон бо падараш муҷассамаи 7-метраи Исмоили Сомонӣ аст, ки дар Конибодом қомат афрохтааст.

Шерзамон барои боғи Куруши Кабир намунаи муҷассамаи Куруши Кабирро офарида, ки аз ҷониби комиссия мавриди омӯзиш аст ва дар сурати тасдиқ, ӯ барои боғи мазкур тандиси 6-метраи Курушро хоҳад сохт.

 

 

Ҳафизуллоҳ ТОҲИРӢ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Муин Ғафуров: баъди пирӯзӣ дар UFC ба Тоҷикистон бармегардам

Муин Ғафуров размкори шинохтаи тоҷик бори дигар таъдид намуд, ки ба UFC мебарояд. “Баъди пирӯзӣ дар UFC ба Тоҷикистон бармегардам....

Кӣ духтаронро аз варзиш дур мекунад?

Яке аз нигарониҳои роҳбарияти Кумитаи ҷавонон ва варзиш ин аст, ки духтарон баъди тамринҳо аз ширкат дар мусобиқаҳои варзишӣ...

Фарҳод беш аз 30 қуллаи баланди ҷаҳонро фатҳ кардааст (Видео)

8 август Рӯзи ҷаҳонии куҳнавардон аст. Қаҳрамони навбатии мо яке аз куҳнавардони муваффақ ва ҷавон аст, ки ин навбат...

Пирӯзӣ бо Афғонистон. Имрӯз рақобат бо Қирғизистон

Тими ҷавонони Тоҷикистон (U-19) дар бозии ифтитоҳии худ дар мусобиқоти қаҳрамонии CAFA бар тими Афғонистон бо ҳисоби бузург (4:1)...
spot_imgspot_img

Медали тиллои Омина аз Олимпиадаи байналмилалии Teeneagle ONLINE

Омина Худоиқулова, хонадаи синфи 8- и Литсейи давлатии №1- и ноҳияи Восеъ дар Олимпиадаи байналмилалии Teeneagle ONLINE мақоми аввалро...

Ҷонона: аз оилаи олмониам қадр кардани вақтро омӯхтам!

Ҷонона Келдиева меҳмони навбатии мост. Ӯ ҳоло дар Олмон қарор дорад. Мавсуф бо барномаи “Au Pair” имкон пайдо кард, ки...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад