Пандемия фурсате барои омода кардани мутахассисони соҳаи туризм

Соли дуюм аст, ки вуруди ҷаҳонгардон ба Тоҷикистон кам гардида, соҳаи сайёҳӣ зиён мебинад. Вале ин фурсатест, ки барои рушди ин соҳа чораҷӯӣ намоем. ТҶ «Ибтидо» барои аввал дар кишвар мактаби сайёҳиро созмон дода, мехоҳад то рафъи вабо (КОВИД-19) мутахассисонро омода намояд.

Фахридлин Фузайлов, корманди ин ташкилот мегӯяд, ҳадафи таъсиси мактаб рушди соҳаи сайёҳӣ ва омода кардани кадрҳои ин соҳа мебошад:

— Мо ҳудуди 20 нафар ҷавонони водии Зарафшонро ба ин мактаб даъват намудем. Зеро имконоти водии Зарафшон дар соҳаи туризм зиёд буда, мавзеҳои зиёди сайёҳӣ дорад.
Дар мактаб роҳбаладони таҷрибадор ба ҷавонон усулҳои кор бо сайёҳони хориҷӣ, қабулу гусел, тарзи муошират, чӣ гуна омода сохтани хатсайрҳоро ба ширкаткунандагони мактаб омӯзонидаанд.

Хуршед Фозилов

ПИСАНД ОМАД? БО ДӮСТОНИ ХУД МУБОДИЛА КУНЕД!
Like
Love
Haha
Wow
Sad
Angry
Back to top button