Ҷаннат Ҳусейнзода дар Консерваторияи салтанатии Брюсел таҳсил мекунад ва яке аз аввалин тоҷикистониёне ҳаст, ки ба ин муассисаи машҳури аврупоӣ роҳ ёфтааст. Се сол қабл дар як мастер-класи Консерваторияи салтанатии Брюсел ширкат мекунад ва баъд аз он яке профессорони машҳури ин муассиса Ҷаннатро барои идомаи таҳсил даъват менамояд.
Ин оҳангсоз, пианинанавоз ва дирижёри ҷавон барандаи чандин озмунҳои ҷумҳуриявию байналмилалӣ буда, ҳамзамон ҷавонтарин узви Иттифоқи оҳангсозони Тоҷикистон маҳсуб мешавад.
Ҷаннат бори аввал дар 5-солагӣ ба даст пианино бурд. Волидонаш тасмим гирифтанд? барояш устоде пайдо намоянд ва ҳамин тавр дар хона чанд дарсе омӯхт. Устод ба ӯ машварат медиҳад, ки мусиқиро ба таври касбӣ омӯзад. Ҳамин тавр, Ҷаннат дар мактаби мусиқӣ таҳсилро идома медиҳад.
Ҷаннат дар шаҳрҳои Қувайт, Тошканд, Маскаву Пекин консерт баргузор намуда, ҳамчунин, дар онлайн-озмунҳои зиёд ширкат кардааст.
Нахустин консерти ӯ соли 2013 дар Ӯзбекистон баргузор гардида буд. Дар Консерваторияи миллии Тоҷикистон ва Театри давлатии академии опера ва балети ба номи Садриддин Айнӣ низ консерт барпо намуд.
Ҷаннат соли 2015 дар Париж барандаи медали тиллоии «The Golden Festival International» гардид. Ӯ соли 2021 ҷоизаи ҷавони муваффақ дар соли 2021″-ро ба даст овард.
Ҷаннат дар як суҳбати маҷозӣ бобати кору пайкор ва нақшаҳои минбаъдааш бо мо суҳбате дошт, ки фишурдаи онро пешкашатон менамоем.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
1
+1
+1
+1
+1
+1
