Пайдо кардани нозири минтақавӣ аз тариқи бот

Бо мақсади саривақт баррасии муроҷиатҳои шаҳрвандон, пешгирии фаврии ҷинояткорию ҳуқуқвайронкуниҳои маъмурӣ ва баланд бардоштани нақши Нозирони минтақавии милитсия дар таъмини тартиботи ҷамъиятӣ, Раёсати ВКД дар шаҳри Душанбе ботеро таҳия кардааст, ки дар ин самт кумак мекунад.
Ин ниҳод дар телеграмканали худ хабар додааст, ки «сокинону меҳмонони пойтахт бо истифода аз ин барнома метавонанд нозири минтақавии худро шиносанд ва бо он ба осонӣ дар тамос шаванд.»
Истифодаи ин бот осон буда, номи кӯча, маҳалла, бинои истиқоматӣ, марказҳои савдо ва хизматрасонӣ, биноҳои маъмурӣ ва ё дигар маконҳои ҷамъиятиро дар қисмати «ҷустуҷӯ» бо ҳуруфи тоҷикӣ бе хато ворид созед, нозирони минтақавие, ки дар он масир фаъолият мекунанд, дар равзанаи барнома пайдо мешаванд.