Маркази миллии тестии назди Президенти Тоҷикистон хизматрасонии “Пешномнависӣ”-ро (http://prereg.ntc.tj) фаъол кард. Довталабон метавонанд барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2025 аз ин имконият истифода кунанд.
Мақсад аз истифодаи хизматрасонии “Пешномнависӣ” осон намудани бақайдгирии довталабон ва сарфаи вақти онҳо дар нуқтаҳои бақайдгирӣ мебошад. Хизматрасонии “Пешномнависӣ” ба довталаб имкон медиҳад, ки ӯ дар ҳолати онлайн пешакӣ аз қайд гузарад. Барои ин довталаб бояд маълумоти заруриро барои бақайдгирӣ (ному насаб, таърихи таваллуд, ҳуҷҷати тасдиқкунандаи шахсият, нишонии ҷойи зист, рақамҳои телефон, нишонии почтаи электронӣ, муассисаи таълимии дар он таҳсилкунанда (таҳсилкарда), ихтисосҳои интихобкарда аз рӯйи бартарияшон, забон ва макони имтиҳонсупорӣ, макони фиристодани даъватнома ва ғайра) омода карда, ба низом ворид намояд.
