Тибқи таҳқиқоти мутахассисони Xlab, навъи нави ботнети Vo1d миллионҳо телевизионро бо системаи оператсионии Android TV дар саросари ҷаҳон сироят кардааст. Ботнет 14 январи соли 2025 ба авҷи фаъолияти худ расид, вақте ки шумораи дастгоҳҳои сироятёфта дар зиёда аз 200 кишвар ва минтақа қариб ба 1,6 миллион расид. Дар ин бора нашрияи Digital Trends хабар медиҳад.
Дар таҳқиқоти Xlab таъкид шудааст: «Миқёси Vo1d ва мавҷудияти он таҳдиди ҷиддӣ ва дарозмуддат ба амнияти сайберии ҷаҳон мебошад…»
Маълумотҳое, ки дар давраи аз 1 то 15 феврал ҷамъоварӣ шудаанд, нишон медиҳанд, ки шумораи бештари сироятҳо ба Бразилия (24,97%), Африқои Ҷанубӣ (13,6%), Индонезия (10,54%) ва Аргентина (5,27%) рост меояд.
Мутахассисони амнияти сайберӣ тавсия медиҳанд, ки як қатор чораҳои муҳим барои муҳофизат аз чунин таҳдидҳо андешида шаванд. Пеш аз ҳама, мунтазам барӯз кардани нусхаи охирини нармафзор ва системаи оператсионии телевизион зарур аст. Инчунин, тавсия дода мешавад, ки навсозии автоматикии системаро фаъол созед, то навсозиҳои муҳими амниятиро аз даст надиҳед. Илова бар ин, танҳо замимаҳоро аз мағозаи расмии Google — Play Store насб бояд кард.
