Кумитаи ҳолатҳои фавқулодда бо истинод ба Агентии обуҳавошиносии кишвар хабар медиҳад, ки дар пайи воридшавии анбӯҳи ҳавои сард, дар қаламрави Тоҷикистон ҳавои ноустувор бо зуҳуроти хавфноки табиӣ пешгӯӣ мешавад.
Шаби 3 март боришоти борон ба барф мегузарад, рӯзона дар ноҳияҳои кӯҳӣ асосан барф меборад. Дар баъзе ноҳияҳо боришоти бошиддат пешгӯӣ мегардад.
Дар бештари минтақаҳои ҷумҳурӣ, ба истиснои минтақаҳои баландкӯҳӣ, пастшавии ҳарорати ҳаво то 10-12º дар назар аст.
Дар баъзе минтақаҳои кӯҳию доманакӯҳии вилояти Суғд, шоҳроҳҳои Душанбе-Хуҷанд-Чаноқ ва ғарби Вилояти Мухтори Кӯҳистони Бадахшон хавфи тарма пешгӯӣ мешавад.
Бинобар ин, тавсия дода мешавад, ки шаҳрвандон ба аҳамияти чораҳои эҳтиётӣ дар шароити номусоиди обу ҳаво, махсусан дар минтақаҳои кӯҳӣ ва баландкӯҳии ҷумҳурӣ, таваҷҷӯҳ намоянд.
Агар ба ҳолатҳои хатарнок дучор оед, фавран бо рақами 112 ё бо телефонҳои навбатдор ба ин рақамҳо занг занед:
(+992) 93 880 28 19, 221 91 19.
Барномаи мобилии SOS, ки барои ҳамаи телефонҳои мобилӣ дастрас аст, барои кумак ба шумо дар ҳолатҳои фавқулодда тарҳрезӣ шудааст.
Ба худ ва оилаи худ ғамхорӣ намоед!
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
