«Бахтиёри наҷотбахш»-як зодаи Тоҷикистонро бо ҳамин тахаллус дар шабакаҳои иҷтимоӣ тавсиф доранд.
Бахтиёр Исмоилов ҳафтаи гузашта як духтарчаи 11-моҳаро бо номи Лиза аз сардӣ ва зери чарх мондан наҷот дод.
«Ин тақрибан соати 4:35 буд. Ман аз кор ба тарафи хона мерафтам, дарҳол истодам, кӯдакро гирифтам. Вай гиря мекард. Дар тан фақат як либоси тунук дошт. Дастонаш ях зада буд. Ӯро ба даст гирифта ба мошин оварда, печи мошинро баланд кардам, то кӯдак гарм шавад. Баъд аз 5 дақиқа кӯдак аз гиристан бозистод.»,-ба ёд меорад Бахтиёр.
Бахтиёр ҳамагӣ 28 сол дошта, ду сол қабл оиладор шуд ва як писар бо номи Муслим дорад, ки ҳоло 10-моҳа аст. Дар шарҳо ӯро шаҳрванди Узбекистону Қирғизистон мегӯянд. Вале ӯ зодаи шаҳри Душанбе буда, даҳ соли охир дар Русия зиндагӣ мекунад.
Он шаб аввал фикр кард, ки дар канори роҳ гурбае мехазад. Суръатро паст кард, то гузашта равад, вале дид, ки кӯдакест рӯйи роҳ мебарояд.
Шоссеи кӯҳнаи Рязанское – роҳи серодам аст. Дар паси ӯ мошини боркаш меомад, ба ёд меорад Бахтиёр.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
