Тибқи фармоиши нави Кумитаи андоз ҳар метри мураббаъ дар сохтмонҳо тибқи ҷадвале андозбандӣ мегардад, ки нархи миёнаи он дар замимаи Кумитаи андоз мушаххас гардидааст.
Нархи фурӯши ҳар метри мураббаъ хонаҳои истиқоматӣ дар кӯчаҳои марказии шаҳри Душанбе то 7 ҳазор сомонӣ ва ошёнаи якуми кӯчаҳои марказӣ то 15 ҳазор сомонӣ нишон дода шудааст.
Фармоиши Раиси Кумитаи андоз аз 23 январи соли 2025 содир шуда, нархҳои бозории фурӯши биною иншоот, инчунин арзиши иҷрои корҳо ва хизматрасонӣ мутобиқ ба сметаҳои сохтмонӣ бо мақсадҳои кор ва андозбандӣ бо назардошти ҷойгиршавии ҳалқаҳои ҳудуди шаҳри Душанбе, ҳудуди кӯчаҳои марказӣ ва мавзеъҳои дигари берун аз ҳудуди кӯчаҳои марказиро муайян мекунад.
Тибқи фармоиш сарраёсати маъмурикунонии андоз, сарраёсати назорати андоз ва мақомоти ҳудудии андоз муваззаф мегарданд, ки барои аз ҷониби субъектои хоҷагидорие, ки ба фазолияти иҷрои корҳои сохтмонии биною иншоот ва фурӯши минбаъдаи онҳо машғул мебошанд, барои риоя гардидани муқаррароти фармоиши мазкур чораҷӯӣ намоянд.
