Ширкати ҳавопаймоии “Тоҷик Эйр” самти Душанбе – Кӯлоб – Душанбе хатсайри нав боз мекунад.
Аввалин парвозҳо тавассути ҳавопаймои АН-28 аз Душанбе ба самти Кӯлоб 15 январи 2025 анҷом хоҳад шуд.
Ҳар ҳафта рӯзҳои сешанбе, панҷшанбе ва якшанбе
соати 09:00-и субҳ аз Душанбе ва соати 10 аз Кӯлоб парвозҳо анҷом хоҳанд шуд.
Нархи билет 350 сомонӣ муқаррар шудааст.
«Тоҷикэйр» пас аз соли 2015 ҷиддан ба мушкилоти молиявӣ гирифтор шуда буд. Ҳукумати Тоҷикистон соли 2019 2 миллион долларқарзи андози ширкатро бахшид. “Тоҷикэйр” чанд бор талош кард, то фаъолияташро аз сар гирад, аммо аз 1 сентябри соли 2020 тамоми парвозҳояш мутаваққиф шуданд.
Тоҷикэйр беш аз 60 миллион доллар аз чандин ширкату корхонаи дохиливу хориҷӣ қарздор шуд ва маҷбур 85% — и кормандонашро ба рухсатӣ фиристод. Фақат аз ҳисоби маоши коргарон 12 миллион сомонӣ қарздор буд. Илова бар ин ҳама, бо ду ширкати хориҷӣ – “Росавиатсия” (Русия) ва Skyroad Leasing (Литва) вориди баҳсҳои судӣ сари қарзҳо шуд. Ҳатто як бор ҳисобҳои бонкии “Тоҷикэйр”-ро Хадамоти иҷрои назди ҳукумати Тоҷикистон баст. Соли 2021 Суди олии иқтисодӣ эълон кард, ки “Тоҷикэйр” дар осонаи муфлисӣ қарор дорад.
Акс аз шабакаи интернет
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
