Рамазон Қодиров, Роҳбари Ҷумҳурии Чеченистон дар шарҳи қазияи навраси 13-сола Муслим Мурдиев раиси Кумитаи тафтишоти Русия Александр Бастрикин ва вазири корҳои дохилии Русия Владимир Колоколтсевро ба он муттаҳам кардааст, ки вазифаҳои гузошташуда аз ҷониби Президенти Русияро бо сифат иҷро намекунанд.
Вай ҳамчунин ба масъалаи муҳоҷират дахл карда, гуфтааст, дар сӯҳбати раисиҷумҳури Русия ва Узбакистон шоҳиди он буд, ки дар масъаллаи муҳоҷират ва пайдо кардани роҳи ҳал таъкид шуда буд.
«Колоколтсев амр додааст, ки муҳоҷирон латукуб шаванд, бародорони моро, ки бароямон зарур ҳастанд, меронанд. Баъд мегӯянд, ки касе бо мо дӯстӣ кардан намехоҳад. Чаро мо Украина, Гурҷистонро аз даст додем? Чаро муносибатҳо бо дигар давлатхо тезу тунд? Зеро, мардум намедонанд, ки дар давлат чӣ рӯх медиҳад!
Онҳо ба ноҳияҳо сафар намекунанд, бо одамон иртибот надоранд. Рӯйи курсиҳои худ нишаста, ба он чи ки берун аз тиреза рӯй дода истодааст, нигоҳ намекунанд. Худованд ҳатман ҷазояшонро хоҳад дод.”, — иқтибос овардааст grozny-inform.ru аз қавли Рамазон Қодиров.
Ёдовар мешавем, ки алайҳи Муслим Мурдиев дар Сарраёсати тафтишотии Кумитаи тафтишоти Русия дар шаҳри Маскав парвандаи ҷиноӣ боз шудааст, ки ӯ дар чаҳор моддаи ҷиноӣ муттаҳам мешавад. Ин наврас ҳафт моҳ боз дар ҳабси хонагӣ қарор дорад. Ӯ ба дағалона вайрон кардани тартиботи ҷамъиятӣ бо истифода аз зӯроварӣ нисбати шаҳрвандон бо як гурӯҳи одамон бо маслиҳати пешакӣ муттаҳам мешавад. Дар баробари Мурдиев чаҳор нафари дигар дар ин парванда муттаҳам мешаванд.
