Имрӯз, 17 октябр дар маркзаи вилояти Хатлон, шаҳри Бохтар Форуми байналмилалии сармоягузорӣ- содиротии «Хатлон Инвест-2024» ва намоишгоҳи «Бохтар фуд-2024» баргузор гардид, ки дар он раҳбарони минтақаҳои кишварҳои узви Иттиҳоди Давлатҳои Мустақил, вилоятҳо ва шаҳрҳои минтақаи Осиёи Марказӣ, Эрон, Туркия, Чин, роҳбарони корхонаҳои бузурги саноатию кишоварзӣ, намояндагони ширкатҳои тиҷоратӣ, сармоягузорон, инчунин соҳибкорони ватанӣ ҳузур доштанд.
Дар форум дастовардҳои корхонаҳои хурду бузурги саноатӣ ва кишоварзии вилояти Хатлон ва ҷумҳурӣ, аз ҷумла ангуру себ, меваҳои хушк, асал, пахта, анору нушокиҳо, ҳунарҳои дастии қадимӣ ва дигар маҳсулоти коркардшудаи корхонаҳои саноатӣ муаррифӣ кардид.
Зоирзода Умед, роҳбари намояндагии агентии содирот дар вилояти Хатлон дар суҳбат бо хабарнигори Jom.tj гуфт, ин чорумин форуми байналмилалии «Бохтар фуд» дар вилояти Хатлон аст, ки баргузор гардид. Ин форум ба кишоварзону соҳибкорони ватанӣ имкон медиҳад, ки маҳсулоташон харидор пайдо карда, ба хориҷи кишвар содирот мешарадад.
Ба гуфтаи Зоирзода, имрӯз дар Форуми байналмилалии сармоягузорӣ- содиротии «Хатлон Инвест-2024» 750 нафар соҳибкорони ватанӣ ва хориҷӣ ҷалб шудаанд, ки беш аз 30 соҳибкор барои хариду фурӯши молу маҳсулоти истеҳсолӣ шартнома мебанданд.
Амонҷон Муҳиддинов
