Бархе бо бозӣ ба эҳсоси дигарон лаззат мебаранд ва гоҳо чунин амалҳо барои таъсир ба афкори ҷомеа анҷом мешавад Бо рушди техналогия ин раванд осонтар шуд. Тариқи интернет акс, видео ё матне паҳн карда мешавад, ки ба равони дигарон таъсир мерасонад. Аммо на ҳамаи мо барои дуруст буданё набудани он санҷише анҷом медиҳем.
Ҳамаи мо дар ёд дорем, ки солҳои 2016 акси писарбачаи суриягӣ дар шабакаҳои иҷтимоӣ ва босуръат паҳн шуд, ки миёни қабрҳои волидонаш хобидааст.
Суратгир Абдул Азиз ал-Отайби бо тасвирбардории ин саҳнаи сохта муҳаббати кӯдакон ба волидайни худро нишон доданӣ шудааст ва акс ба ҳодисаҳои Сурия ҳеҷ иртиботе надорад.
Тасвири машҳуре, ки дар ИМА тақрибан соли 1928 гирифта шудааст. Духтари хурдсол дар дохили зарфи партов ва дар паҳлӯяш лавҳаи «кӯдакони зиштро дар ин ҷо гузоред». Вале маълум шудааст, ки лавҳа дасткорӣ шуда, дар нусхаи асл навиштааст, сабзаро ҳифз кунед.
Тасвирро ҳамчун намуна дар Google Pictures ё Yandex.Images ё tineye ворид мекунем.
Василаҳои ҷусторӣ маълумотро дар бораи ин акс пешниҳод мекунанд, ки аввалин бор кай кадом сомона ин аксро истифода кардааст. Дар ин ҳолат, маълумоти бештарро дар бораи акс ба даст меорем. Агар ҷустуҷӯ ягон натиҷа надиҳад, ба ин маъност, ки тасвир нав аст.
Пас шумо бояд тафтиш кунед, ки оё акс дар Photoshop тағйир дода нашудааст.
Бо FotoForensics, JPEGsnoop, Serelay, Truepic ва Forensically низ метавонед қалбакӣ будан ё набудани аксҳоро мушаххас кунед.
