Нахустин номзаде, ки дар сараш чип гузошта шуда буд, комилан шифо ёфтааст ва бо иқтидори майнаи сар (бе истифода аз даст) тариқи муши компютер идораи онро таҷриба кард. Дар ин бора хабаргузории Reuters бо такя ба суханони роҳбари Neuralink Илон Маск хабар додааст.
«Пешрафт хуб аст ва ба назар мерасад, ки бемор (шахсе, ки дар ӯ таҷриба анҷом шуд) бе ягон оризаи бад комилан шифо ёфтааст. Бемор метавонад танҳо тавассути тафаккур мушро дар атрофи экран ба ҳаракат дарорад. ”,-гуфтааст Маск дар чорабинии Spaces.
Маск инчунин гуфт, ки Neuralink ҳоло кушиш мекунанд, ки ба нафари таҷрибашуда дар таҳқиқот пахши тугмаҳои мушро омӯзонанд.
Дар моҳи январи соли 2024, Neuralink чипро дар инсон бомуваффақият ҷойгир кард. Тибқи иттилои Reuters, Маск барои Neuralink орзуҳои калон дорад. Миллиардер муътақид аст, ки чипҳои ӯ дар табобати бемориҳо, аз қабили аутизм, депрессия, шизофрения ва ғайра кумак хоҳанд кард.
