Сарвазири Канада Cукербергро барои пинҳон кардани хабар дар бораи сӯхтор танқид кард
Сарвазири Канада Ҷастин Трюдо муассиси фейсбукро (гурӯҳи Meta) барои пинҳон кардани хабари оташсӯзӣ танқид кард. Марк Сукербергро барои масдуд кардани иртибот бо расонаҳои минтақавии Канада, ки дар бораи сӯхторҳои ҷангал дар ин кишвар хабар медоданд, интиқод кард. Дар ин бора хабаргузории Associated Press хабар додааст.
«Тасаввур кардан ғайриимкон аст, ки як ширкате ба монанди Facebook фоидаи корпоративиро дар муқоиса бо расонаҳои хабарии маҳаллӣ авлавият медиҳад то тавонанд ба Канада бо иттилооти навро таъмин кунанд» гуфтааст Трюдо.
Вай қайд кардааст, ки тасмим дар бораи масдуд кардани истинод ба порталҳои хабарӣ «ба демократия зараровар» аст ва дар ҳолатҳои изтирорӣ шабакаи иҷтимоӣ ба бехатарии мардум беэътиноӣ мекунад.
Дар шимолу ғарби Канада 236 сӯхтор ба амал омадааст, ки беш аз 2 миллион гектар заминро фаро гирифтааст. Дар давоми як ҳафтаи охир тақрибан 60 ҳазор нафар ба ҷои амн интиқол дода шудаанд.
