Лоиқ Раҷабов, варзишгари муҳорибаҳои омехта дар UFC рекорд гузошт.
Ӯ дар аввалин рақобаташ дар UFC 11 тейкдаун анҷом дод, ки рекорд унвон мешавад.
То ин дам ягон варзишгар дар вазни сабук дар аввалин рақобаташ 11 партоби муваффақ (тейкдаун) анҷом надода буд.
Аввалин рақобати Лоиқ Раҷабов дар доираи мусобиқаи UFC 285 муқобили варзишгари бебохти аргентинӣ Эстебан Рибович баргузор шуд. Рақобат шаби 4 ба 5-уми март дар толори T Mobile дар Лас-Вегаси Амрико баргузор шуд.
Лоиқ Раҷабов ба расонаҳо гуфтааст, муҳорибаро ҳамагӣ як ҳафта пеш қабул карда буд. Дар муҳорибаҳои омехта, одатан варзишгарон муҳорибаҳоро ҳадди ақал 2-3 моҳ пеш қабул мекунанд ва бо назардошти имкониятҳои ҳариф ба он омода мешавад.
Лоиқ Раҷабов дуввумин варзишгар аз Тоҷикистон аст, ки дар ташкилоти маъруфи UFC баромад мекунад. Як ҳафта пеш Нурулло Алиев, варзишгари дигари тоҷик дар UFC баромад карда, ғалаба ба даст оварда буд.
Акс аз саҳифи UFC дар твиттер
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
