Носир Мирзоро ҳоло ҷавонон ба сифати як соҳибкор, роҳнамо барои муваффақ шудан ва ресторатор мешиносанд. Аммо аксарият намедонанд, ки ӯ корро аз чӣ оғоз кард ва чӣ гуна муваффақ шуд.
Ӯ нақл мекунад, ки тиҷорати аввалинашро аз харид ва фурӯши зарфҳои шишагин оғоз намуд. Дари ҳар хонаро мекуфт, шиша мепурсид, харидорӣ ва дар ниҳоят яклухт мефурӯхт то замоне, ки дигар шиша дарёфт накард.
Мағозаи хурдеро низ бо мақсади фиттафурӯшӣ боз карда, дар ин самт низ худро имтиҳон кардааст…
Ҳоло тарабхонадорӣ мекунад ва муассиси чандин лоиҳаҳои муваффақ мебошад. Имрӯз соҳиби чандин нуқтаи ғизо дар Душанбе — ду қаҳвахонаи «Ҷӯҷаи бирён», Soho Bar, мантухона ва ғайра мебошад.
Акнун китоберо ба нашр расонид то тариқи он донишу таҷрибаи соҳибкориашро ба дигарон пешниҳод намояд.
Китоби ӯ «Компас Прорыва» (Қутбнамои пешрафт) ном дошта, ангезае барои муваффақият дар тиҷорату шахсият гуфта мешавад.
Носир Мирзо, соҳибкори муваффақ дар китоби худ, бо мисолзании таҷрибаи хеш ва намунаи ашхоси муваффақи дунё нишон медиҳад, ки ҳар нафар метавонад ба ҳадафи худ ноил гардад.
Китоби «Компас Прорыва» барои барои онҳое, ки дар ҷустуҷӯи худ ҳастанд ва орзуи ба даст овардани комёбиҳои бештарро мекунанд, тавсия дода мешавад ва пеш аз ҳама китоб барои соҳибкорон нигаронида шудааст.
Хонандагон дар ихтиёри худ 12 боб бо 32 абзори қавӣ барои пешрафти воқеӣ доранд!
Ӯ Business Forum G5, ки 6 ноябр дар Кохи Суруш доир шуд, муфассал дар бораи саргузашташ қисса кард.
