Ширкати амрикоии Tesla аз мошинҳои худ назар ба ширкати автомобилсозии ҷопонӣ- Toyota тақрибан ҳашт маротиба бештар даромад мегирад. Таҳлилгарони нашрияи Nikkei пас аз омӯзиши ҳисоботи молиявии ду ширкати мошинсозӣ ба ин хулоса омаданд.
Истеҳсолкунандаи амрикоӣ аз ҳар як мошини барқии худ 9570 доллар ба даст меорад, дар ҳоле ки фоидаи софи Toyota ба ҳисоби миёна барои ҳар як мошини фурӯхташуда тақрибан 1200 доллар будааст.
Фоидаи софи Teslaаз рӯи натиҷаҳои семоҳаи сеюми соли 2022-ум 3,29 миллиард доллар будааст. Toyota дар ҳамин давра 434,2 миллиард йен фоидаи соф ба даст овардааст.
Tesla дар семоҳаи сеюм ба яке аз сердаромадтарин мошинсозони ҷаҳон табдил ёфтааст. Агачи фоидаи софи он аз июл то сентябри соли 2022 камтар аз фоидаи Mercedes-Benz буд, аммо ширкати амрикоӣ тавонист аз ширкатҳои BMW ва Volkswagen пеш гузорад.
Акс аз интернет
