Шавкатҷон Раҳимов қаҳрамони ҷаҳон оид ба IBF шуд. Ӯ дар муҳорибаи ахираш дар Абу-Даби барои унвони қаҳрамонии ҷаҳонии IBF дар вазни дуюм мубориза бурда, рақибаш Зелфа Бареттро шикаст дод.
Акнун Шавкатҷон номи худро дар таърихи бокси ҷаҳонӣ сабт намуда, камарбанди асосии сайёраро дар риштаи бокс соҳиб шуд.
Шавкатҷон Раҳимов дар рафти муҳориба тавонист ҳарифашро ҳамеша таъқиб кунад ва ӯро қад-қади ресмон ронад. Баррет дар ҳуҷумҳои ҷавобӣ фурсат ҷуст, вале ҳеҷ чизи хатарнок эҷод карда натавонист. Шавкат дар сонияҳои охири роунди 9-ум рақибашро ба накаут фиристод.
Шавкатҷон Раҳимов 14 августи 1994 дар шаҳри Қӯрғонтеппа (Бохтар) ба дунё омада, дар ҳайати тими бокси Тоҷикистон дар нимаи аввали солҳои 2010-ум, қаҳрамони секаратаи Тоҷикистон, ғолиб ва ҷоизадори бисёр мусобиқоти байналмилалӣ аст.
Ӯ аввалин бор дар арсаи байналмилалӣ соли 2011 дар мусобиқоти қаҳрамонии ҷаҳон байни наврасон дар Остона баромад карда буд…
Дар соли 2017 ӯ унвони қаҳрамони Шӯрои бокси Авруосиё ва Уқёнуси Оромро ба даст овард.
Дар аввал рақибаш бояд Дэвид Сауседои аргентинӣ мебуд, вале ӯ ба меъёри вазни дувум ҷавобгӯ набуд. Бинобар ин, намояндаи Мексика Эмануэл Лопес (27-6-1) довталаб интихоб шуд. Бархӯрди байни онҳо тамоми 12 раунд давом кард, ки дар натиҷа доварон бо қарори якдиона пирӯзиро ба Раҳимов доданд.
Шавкатҷон Раҳимов соли 2018 унвони қаҳрамониро ҳимоя карда, бар зидди Малколм Классен (33-7-2) аз Африқои ҷанубӣ ва Робинсон Кастелланоси мексикоӣ бо нокаути техникӣ пирӯз шуд. Дар соли 2019 ӯ бори дигар унвони қаҳрамонии худро ҳифз кард ва пас аз даври чорум бар муштзани Африқои Ҷанубӣ Рофхива Маэму пирӯзиро ба даст овард.
Шавкатҷон Раҳимов дар Африқои Ҷанубӣ Азинга Фузилеро дар раунди 8-ум бо нокаут шикаст дод ва ҳуқуқи ба муборизаи унвони қаҳрамонии IBF дар вазни сабукро ба даст овард.
Аксҳо аз Шабакаи интернет
