Илон Маск ва Твиттер метавонанд дар рӯзҳои наздик ба созиш бирасанд то баҳсҳои худро хотима диҳанд ва роҳро барои сарватмандтарин шахси ҷаҳон барои муомилоти 44 миллиард долларӣ бо ин шабакаи иҷтимоӣ ҳамвор намоянд.
Маск, ки ҳамзамон директори иҷроияи ширкати электромобилҳои Tesla аст, ахиран ба Твиттер пешниҳод кард, ки агар Twitter аз даъвои худ бар зидди ӯ даст кашад, ӯ масири худро тағйир дода, ба созишномаи моҳи апрели худ бармегардад.
Бо вуҷуди ин, ҳайати ҳуқуқии Твиттер ҳанӯз ҳеҷ гуна созишро қабул накардааст ва Каталин МакКормик, судяи Суди Делавэр мегӯяд, вай ба мурофиаи наздикшуда омодагӣ мегирад.
«Тарафҳо шарти боздоштани ин амалро пешниҳод накардаанд ва ҳеҷ як тараф ҳаракат накардааст, аз ин рӯ, мурофиаи судии мо 17 октябри соли 2022 идома мекунад»,- хабар додааст ин судя.
Намояндагони Маск ва Твиттер дар ҳафтаҳои охир чанд музокироти бенатиҷаро дар бораи коҳиши эҳтимолии нархи тавофуқи 44 миллиард долларӣ анҷом додаанд. Маск дар аввал 30% тахфиф мехост ва баъдан ба 10% низ розӣ буд, вале дархост аз ҷониби Twitter рад карда шуд.
Акс аз bbc
