Искандар Ҷалилов, ҳимоятгари 29-солаи «Истиқлол»-и Душанбе ва тими миллии Тоҷикистон ба фаъолияти касбии худ нуқта гузошт.
«Бошгоҳи футболи “Истиқлол” бо Искандар Ҷалилов видоъ намуд. Қабл аз оғози бозии даври ҳафтуми мусобиқоти қаҳрамонии Тоҷикистон “Истиқлол” – “Хуҷанд” аз ӯ қадрдонӣ шуд, ки охирин бозиро дар фаъолияти касбии худ анҷом медиҳад.»,-хабар медиҳад Федератсияи Футболи Тоҷикистон.
«Тими миллии Тоҷикистон Искандар Ҷалиловро хеле пазмон мешавад. Вай кордон ва дорои хислати олист. Барояш берун аз олами футбол барори кор орзу мекунам.”, — гуфтааст Петр Сегрт, сармураббии тими миллии Тоҷикистон.
Бояд гуфт, Искандар Ҷалилов аз соли 2014 дар ҳайати тими миллии Тоҷикистон бозӣ мекунад. Дар ин муддат ӯ дар ҳайати тими миллии кишвар 25 бозӣ анҷом додааст.
