Сохтани дӯкони касбии интернетӣ бо василаҳои замонавии ҷалби муштарӣ ва эҷоди муҳтавои ҷолиб, чигунагии тиҷорати электронӣ бо ҳадафи боз кардани роҳи соҳаи нассоҷиву дӯзандагӣ ва роҳёбӣ ба бозорҳои интернетии ҷаҳонӣ зимни силсилавебинарҳо омӯзонида шуд.
Вебинарҳои моҳи марти соли 2022 иштироккунандагонро бо бозорҳои минтақавии интернетии мӯд ва либос, лоиҳаҳои тиҷорати электронӣ, муҳиммияти ҳузур дар интернет, ва ҳамчунин, истифода аз шабакаҳои иҷтимоӣ барои пешбурду фурӯш шинос намуданд.
Коршиноси Маркази тиҷорати байналмилалӣ ва тренер Тамари Миминошвилӣ чӣ гуна ба платформаи муфид барои соҳибкории хурду миёна ҷиҳати муаррифии брендашон ва афзоиши фурӯши маҳсулоташон табдил гардидани бозорҳои интернетиро шарҳ додааст.
Ширкатҳои тоҷик, ҳамчунин, сохтани дӯкони касбии интернетӣ бо василаҳои замонавии ҷалби муштарӣ ва эҷоди муҳтавои ҷолибро омӯхтанд. Онҳо тарҳрезии лоиҳаҳои онлайнии мустақим-бо-муштарӣ, эҷоди сохтори гуруҳи кормандон оид ба тиҷорати электронӣ ва ҳалли масъалаҳои рӯзмарра, ба монанди логистика, идораи анбор, ва омодаву ирсоли фармоишҳоро низ ошноӣ пайдо карданд.
