Шоҳрух Юнусов беш аз 10 забон опера месарояд ва донандаи 5 забони хориҷӣ низ мебошад. Бо роҳнамоии ӯ нимаи аввали соли 2021 устодаш Делфо Минекучи ба Тоҷикистон омада, давоми як моҳ ба салистҳои Театри давлатии опера ва балети ба номи Садриддин Айнӣ дарси маҳорат гузаштааст.
Ин ҷавони тоҷик ҳамон нафарест, ки дар авҷи бемории фарогири COVID-19 исмаш дар расонаҳои аврупоӣ пайдо шуда буд. Шоҳрух давраи қарантин дар шаҳри Милани Италия аз балкон опера сароида, дили садҳо ҳамсоя ва ҳазорҳо нафари дигар аз гушаву канори оламро ба ояндаи рушан бедор мекард.
Шоҳрух панҷ сол қабл ба Консерваторияи давлатии ба номи Ҷузепе Вердеи шаҳри Милани Италия роҳ ёфт ва аввалин донишҷӯи Осиёи Марказӣ дар таърихи ин консерватория маҳсуб мешавад.
Ӯ ахиран дар як суҳбати онлайнӣ ба Радиои “Тоҷикистон” гуфтааст, бо 15 забони хориҷӣ опера месарояд.
