Кандакорӣ як шуғли аҷдодии мо маҳсуб шуда, ҳанӯз аз қадим мардум бо ин ҳунар сару кор дошта, олоту ашёи гуногуни рӯзгорашонро аз чуб омода мекарданд.
Эшонҷон Меликов сокини ноҳияи Рашт буда, дуредгарӣ, кандакорӣ ва гачкорӣ мекунад. Ин ҳунарҳо аз падараш ба ӯ мерос мондааст. Ҳанӯз аз хурдсолӣ канори падар бо шавқи зиёд ин ҳунарҳоро аз худ намудааст. Ин ҳунарманди чирадаст зиёда аз 15 навъи ашёи рӯзгорро аз чуб омода мекунад. Ӯ дар таҳхонаи бинои истиқоматии худ гушаеро ба устохона табдил дода, дар он ҷо ба офаридани ашёи чубин машғул аст.
Айни ҳол маҳсули дасташ ӯро дар сатҳи ҷумҳурӣ муаррифӣ мекунад. Натиҷаи кори ӯ дар намоишу чорабиниҳо намоиш дода мешаванд. Як нусхаи онҳо дар Осорхонаи мардумшиносии Тоҷикистон ба маърази тамошо гузошта шудааст.
«Як корманди осорхона маҳсулоти моро дида барои осорхона фармоиш дод.Маҳсулотро акс гирифт, вале дигарон гуфтаанд, ки ин моли Тоҷикистон нест ва чунин ҳунарманд надорем. Корманди осорхона омада раванди корро ба навор гирифта, баргашта нишон додааст. Сипас тасдиқ кардаанд, ки дар ҳақиқат инҳоро дар Тоҷикистон омода мекунанд.»,-ба ёд меорад ин устои чирадаст.
Диққати сайёҳони хориҷӣ низ ба дастранҷи ӯ хеле зиёд буда, ҷаҳонгардон ба хонаи ӯ омода ашёе харидорӣ ва бо худ мебаранд.
Эшонҷон Меликов узви иттифоқи ҳунармандони Тоҷикистон мебошад.
Ба хотирри саҳим будан дар эҳёву нигаҳдории ҳунарҳоии милли тоҷикӣ, ҳунарманд ният дорад дар гушае аз роҳи асосии ноҳия гушаи ҳунармандӣ боз намуда, маҳсули дасташро ба намоиш гузорад.
Муҳаммад Маҳмадзода
