Паёмрасони Telegram барои муддати кӯтоҳ аз мағозаи барномаҳои App Store дар саросари ҷаҳон дастнорас гардид. Сабаб он будааст, ки ҳангоми санҷиш маводе ошкор шудааст, ки ба зӯроварии ҷинсӣ нисбат ба кӯдакон марбут дониста мешавад. Дар ин бора хабаргузории Reuters хабар медиҳад.
Намояндаи ширкати Apple тасдиқ кардааст, ки замима муваққатан аз App Store хориҷ карда шуд, зеро дар ҷараёни санҷиш муҳтавоеро ошкор намуданд, ки қоидаҳои ширкатро оид ба манъи маводи марбут ба зӯроварии ҷинсӣ нисбат ба кӯдакон вайрон мекард.
Ба гуфтаи ӯ, замимаи Telegram баъд аз он дубора дар App Store дастрас гардид, ки таҳиягарон фавран муҳтавои мазкурро ҳазф карда, корбареро, ки онро нашр кардааст, масдуд намуданд.
Telegram таъкид кардааст, ки нисбат ба чунин мавод сиёсати «таҳаммулнопазирӣ» дорад. Тибқи омори ширкат, танҳо дар соли 2026 маъмурияти месенҷер 337 ҳазору 942 гурӯҳ ва шабакаи марбут ба чунин муҳтаворо масдуд кардааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
