Ширкати «Яндекс» барои рушди технологияҳои зеҳни сунъӣ (AI) дар соҳаи тандурустӣ шахси ҳуқуқии алоҳидаеро бо номи «Яндекс мед» ба қайд гирифтааст. Ба навиштаи рӯзномаи «Ведомости», ҶДММ «Яндекс мед» 31 июли соли 2026 дар Феҳристи ягонаи давлатии шахсони ҳуқуқии Русия сабти ном шудааст.
Тибқи маълумоти Феҳристи ягонаи давлатии шахсони ҳуқуқии Русия, самти асосии фаъолияти ҶДММ «Яндекс мед» таҳияи нармафзори компютерӣ мебошад.
Ба гуфтаи «Яндекс», ёвари зеҳни сунъии «Яндекс мед» барои автоматикунонии як қисми корҳои такрории табибон дар дармонгоҳҳои Москва пешбинӣ шудааст. Ин система метавонад гуфтугӯи табиб бо беморро ба матн табдил дода, дар асоси он лоиҳаи ибтидоии протоколи муоина таҳия кунад, маълумотро аз пойгоҳи донишҳои тиббӣ ҷустуҷӯ намояд ва маълумоти корти электронии беморро ҷамъбаст созад.
Бо вуҷуди ин, қарорҳои ниҳоӣ оид ба ташхиси беморӣ ва таъйини доруворӣ ҳамоно танҳо аз ҷониби табиб қабул карда мешаванд.
