Колоколтсев: муҳоҷироне, ки ба Русия фоида намеоранд, Русияро тарк кунанд!

Владимир Колоколтсев, вазири корҳои дохилии Русия изҳор доштааст, ки дар кӯча ва дар минтақаҳои истиқоматӣ набояд муҳоҷирони ғайриқонунӣ бошанд. Ба гуфтаи ӯ, шаҳрвандони хориҷие, ки будубошашон қонунӣ нест, бояд кишварро тарк кунанд.

«Касоне, ки ҷои корашонро аз даст додаанд, аз донишгоҳ хориҷ шудаанд, изи ингушт насупурдаанд, забон намеомӯзанд  ва барои ҷомеаи русӣ беманфиатанд, кишварро тар кунанд», — иқтибос овардаааст Ирина Волк, намояндаи ВКД-и Русия аз қавли ин вазир.

Вазири умури дохилии Русия ҳамчунин таъкид кардааст, ки бояд ҷамъшавии зиёди муҳоҷирон дар шуъбаҳои муҳоҷират бартараф карда шавад, зеро ин ҳолат «нишондиҳандаи камбудиҳо дар ташкили қабули шаҳрвандон» аст ва дар ҷомеа вокуниши манфии сокинони маҳаллиро ба вуҷуд меорад.