Мунтахабҳои Эрон ва Зеландияи Нав рақобат карданд. Ин дидор, ки дар яке аз шаҳрҳои канории Лос Анҷелес, иёлати Калифорния доир гардид ва мусовӣ (2:2) анҷом ёфт.
Ҳисобро дар дақиқаи 7-уми бозӣ ҳамлагари мунтахаби Зеландияи Нав Элайҷа Ҷаст (Elijah Just) боз кард. Дар дақиқаи 33-юм ҳимоятгари тими Эрон Рамин Ризоён ҳисобро баробар намуд.
Дар оғози қисми дуюм Элайҷа Ҷаст голи дуюми худро ба самар расонд. Аммо онҳо натавонистанд бартариро то анҷоми бозӣ нигоҳ доранд. Дар дақиқаи 64-ум Муҳаммад Муҳибӣ ҳисобро баробар намуд ва бо ҳамин, натиҷаи ниҳоии вохӯрӣ 2:2 шуд.
Мунтахабҳои Эрон ва Зеландияи Нав дар гурӯҳи G рақобат мекунанд. Дар даври дуюм Эрон рӯзи 21 июн бо тими миллии Белгия бозӣ мекунад. Зеландияи Нав бошад рӯзи 22 июн бо мунтахаби Миср рӯ ба рӯ хоҳад шуд.
Посмотреть эту публикацию в Instagram
