Тақрибан 60 дарсади иштирокчиёни як назарсанҷии ахир дар Олмон гуфтаанд, ки аллакай бо зеҳни сунъӣ мусоҳибаи корӣ анҷом додаанд.
Ширкатҳое мисли Google системаҳои махсуси зеҳни сунъиро таҳия мекунанд, ки интихоби аввалияи номзадҳо ба ҷойи корро анҷом медиҳанд, тавассути телефон, видеочат ё паёмҳои матнӣ.
Таҳқиқоти платформаи ҷалби кадрҳо Glasshouse, ки тақрибан 3000 корҷӯро аз Британияи Кабир, Ирландия, Олмон ва Австралия фаро гирифтааст, нишон медиҳад, ки шумораи бештари номзадҳо аз иштирок дар мусоҳибаҳои бо зеҳни сунъӣ даст мекашанд.
Дар Олмон 57% кормандон аллакай бо зеҳни сунъӣ мусоҳиба гузаштаанд, аммо аз онҳо 42 дарсад раванди мусоҳибаро нотамом гузоштаанд.
Беш аз нисфи онҳое, ки чунин мусоҳибаҳоро гузаштаанд, ҳеҷ гуна посухи мусбат нагирифтаанд: ё ширкат онҳоро нодида гирифтааст, ё то ҳол мунтазири ҷавобанд.
Маслиҳатҳои муассиртарин барои омодагӣ ба мусоҳиба — новобаста аз он ки бо инсон аст ё бо зеҳни сунъӣ— аз омӯзиши бодиққати тавсифи ҷойи кор, ҷамъоварии маълумот дар бораи ширкат ва дарки он иборатанд, ки ширкат кадом навъи кормандро меҷӯяд. Дар ин бора мушовири касбӣ Аманда Августин аз ширкати Careerminds мегӯяд.
«Ҳар қадаре ки шумо беҳтар омода бошед, ҳамон қадар мутобиқ кардани ҷавобҳоятон осонтар мешавад, ҳатто агар бо инсон не, балки бо ИИ суҳбат кунед», — гуфтааст ӯ.
