Исроил иҷозаи иштирок дар «Евровидение-2026»-ро ба даст овард. Дар посух Нидерландия, Испания, Ирландия ва Словения эълон карданд, ки ба нишони эътироз аз иштирок даст мекашанд.
Ин кишварҳо талаб доштанд, ки Исроил ба далели тахрибкорӣ дар Ғазза аз озмун хориҷ карда шавад.
Онҳо аз Иттиҳоди пахши Аврупо (EBU) хостанд, ки дар ин масъала овоздиҳии махфӣ баргузор гардад, аммо дар маҷлиси рӯзи панҷшанбе дар Женева танҳо қоидаҳои нави овоздиҳӣ қабул карда шуданд. EBU изҳор дошт, ки аксари аъзо ба ин назаранд, ки овоздиҳии иловагӣ дар мавриди ҳиссаи кишварҳо дар озмун лозим нест ва «Евровидение-2026» бояд бо иловаи тадбирҳои амниятӣ дар формати пешбинишуда баргузор гардад.
Президенти Исроил Исхак Герсог ин тасмимро «ишораи пурқимати ҳамбастагӣ, бародарӣ ва ҳамкорӣ» номид.
Бахши русии bbc.com чанд кишвар хостори хориҷ кардани Исроил аз сабаби ҷанг дар Ғазза ва инчунин ба далели гумонҳо дар бораи дасткории овоздиҳии «Евровидение-2025» буданд. Ду соли охир «Евровидение» дар фазои эътирозҳо алайҳи иштироки Исроил мегузарад. Мухолифон мегӯянд, ки идомаи амалиёти низомии Исроил дар Ғазза бо арзишҳои фарҳангӣ созгор нест.
