Делси Родригес, муовини президенти Венесуэла изҳор доштааст, ки Венесуэла ба колония табдил нахоҳад ёфт.
Додгоҳи олии Венесуэла муовини президенти ин кишвар Делси Родригесро иҷрокунандаи вазифаи президент таъйин кард. Ин тасмим бо зарурати ҳифзи тартиботи конститутсионӣ дар робита ба «рабуда шудани» раҳбари феълӣ гуфта шудааст.
Қаблан Доналд Трамп изҳор дошта буд, ки ИМА метавонист идораи кишварро дар давраи гузариш ба уҳда гирад, аммо ин корро намекунад, агар Родригес «иродаи Вашингтонро амалӣ намояд».
Дар посух Родригес таъкид кардааст, ки кишвараш «ба колонияи ҳеҷ кас табдил намеёбад» ва раҳоии Мадуроро талаб намуда ваъда додааст, ки захираҳои табиии кишварашро ҳимоя мекунад.
Тибқи Конститутсияи Венесуэла, дар сурати ғоиб будани президент ӯро муовини президент ба муҳлати 90 рӯз иваз мекунад. Ин муҳлат метавонад бо қарори вакилони парлумон боз барои 90 рӯзи дигар тамдид шавад.
Делси Родригес яке аз чеҳраҳои калидии роҳбарияти Венесуэла ва аз наздиктарин ҳамкорони президенти кишвар Николас Мадуро ба ҳисоб меравад.
Солҳои 2014–2017 ӯ вазифаи вазири корҳои хориҷии Венесуэларо иҷро кардааст. Соли 2018 ба мансаби муовини президенти ҷумҳурӣ таъйин шуд ва нахустин зане гардид, ки ин вазифаро ишғол намудааст.
Дар ҳукумати Мадуро ӯ бахши иқтисодӣ, сиёсати иҷтимоӣ ва чораҳои зиддибуҳрониро дар шароити фишори таҳримҳо ҳамоҳанг мекард.
Аз соли 2020 инчунин роҳбари комиссияҳои муҳими иқтисодӣ буда, барои робитаҳои иқтисодии хориҷӣ, энергетика ва суботи молиявии кишвар масъул аст.
Трамп аз Родригес чӣ талаб кард.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
