МУВАФФАҚИЯТШукуфа мехоҳад тамизкорзанон дастонашонро дар партов назананд

Шукуфа мехоҳад тамизкорзанон дастонашонро дар партов назананд

-

Шукуфа Раҳмон паноҳандаи афғон дастгоҳеро сохтааст, ки аз тариқи он партовҳои ҷубору сари роҳро мешавад ҷамъоварӣ кард.  

Айни ҳол ӯ бо аҳли оилаашон дар Тоҷикистон ба сар мебаранд. Ин наврас тӯли 2 сол аст, ки дар шаҳри Ваҳдат зиндагӣ ихтиёр карда, дар ин ҷо орзуҳояшро амалӣ мекунад. Зеро, ҳавасҳои фурӯзандаи қалбашро дар зодгоҳаш-шаҳри Кобул натавонист ҷомаи амал пӯшонад.

Ҳоло Шукуфа дар баробари таҳсил, ҳамчунин дар маркази рушди истеъдодҳо малакаву маҳорати хешро сайқал медиҳад.

 “Бо дастгирии устодон дастгоҳи партовтозакуниеро ихтироъ карда онро “Pick up” ном ниҳодем. Дастгоҳи ихтироъкардаи мо метавонад ҷӯйборҳоро ба воситаи дандонаҳои худ аз партовҳо тоза намояд. Муҳаббат ба ихтироъкориву навоварӣ ҳанӯз дар Афғонистон буданам аллакай дар дилам  ҷӯш мезад, аммо бо сабаби камбуди мавод ва набудани имконот тахаюлотамро танҳо дар варақпораҳо амалӣ мекардам.”,нақл кард Шукуфа.

Шукуфа бо як гуруҳ духтарони афғон, ки ҳоло ба Тоҷикистон паноҳ офардаанд, ин ҷо пайи таҳсил ҳастанд. Ӯ мехоҳад ҳамин дастгоҳи сохтаи худро дар оянда бузургтару бисёрамала намояд:

Мақсади асосии ман аз ихтирои дастгоҳ ин кумак ба мардум ва тозаву озода нигоҳ доштани муҳити атроф аз ҳар гуна партовҳои зиёновар ба табиат мебошад. Ин дастгоҳро тӯли се моҳ сохтем. Аслан барои тоза кардани партовҳо пешбинӣ шудааст. Зеро, имрӯз ин корро баъзан занону духтарон бо дастони худ мекунанд, ки ин ба саломатии онҳо таъсири манфӣ расонида, боиси сар задани бемориҳои пӯст мегардад.”,-мегӯяд ихтироъкори ҷавон Шукуфаи Раҳмон.

Идеяи сохтани ин дастгоҳро Шукуфа миёни ҳамсинфонаш пешниҳод намуда, дар якҷоягӣ онро сохтаанд. Ин аввалин қадами ӯ буда, талош дорад оянда  ба дастоварди бузургтару комилтар даст ёбад.

Шукуфа  баробари таҳсил дар мактаби миёна, инчунин узви маркази эҷодии кӯдакон  ва наврасони шаҳри Ваҳдат буда, ба курсҳои омӯзишӣ низ ҷалб шудааст. Ӯ донандаи хуби забони англисӣ мебошад. Шукуфа  мегӯяд, ки Ҷумҳурии Тоҷикистон ба ӯ зиёд писанд афтодааст ва мехоҳад таҳсилашро дар ҳамин ҷо идома диҳад:

Маҳз имконият ва шароите, ки имрӯз дар Тоҷикистон барои касбомӯзиву донишандӯзии наврасону ҷавонон муҳайё шудааст, ба мо ҳам фурсат шуд, ки аз ин  шароити мусоид, ба монанди омухтани забонҳои хориҷӣ, курсҳои кампютерӣ ва омӯзиши илмҳои дақиқу  техникаву техналогияи муосир баҳравар гардем. Ин шароиту имконият дар Афғонистан хеле кам аст”.

Дастгоҳи сохтаи Шукуфа аввалин дастоварди ӯ буда ба ин кори худ ӯ ҳанӯз қаноатманд нашуда, орзу дорад, ки баъдт хатми мактаби миёна ба ягон донишгоҳи бонуфӯзи Тоҷикистон дохил гардида, василаҳоеро созад, ки кори занону духтаронро осон намояд.

Меҳронаи Давлат

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Миронов: писари роҳбари диаспораи Озарбойҷон бо дархости ман боздошт шуд!

Сергей Миронов, вакили миллатгарои Думаи давлатии Русия тариқи саҳифаи хеш дар x (twitter) хабар дод, ки маҳз бо дархости...

Русия ба муҳоҷирон ID-ҳуҷҷати ягона омода мекунад

Бар асоси захираҳои иттилоотии "Профили рақамии шаҳрвандони хориҷӣ" дар Русия корти ID ҷорӣ хоҳад шуд, ки шахсияти муҳоҷиронро тасдиқ...

Роҳи муҳоҷирони гирифтори гепатити «B», «C» сил ба Русия баста мешавад

Раиси Кумитаи Думаи давлатии Русия оид ба масъалаҳои меҳнат Ярослав Нилов дар канали телеграми худ хабар дод, ки ба...

Amazon ва Google барои фароҳамсозии имконоти «бараҳнасозии» занон муттаҳам мешаванд

Amazon ва Google барои фароҳамсозии имконоти «бараҳнасозии» занон тавассути зеҳни сунъӣ муттаҳам мешаванд. Саноати бисёрмиллиондоллара, ки бо ёрии зеҳни сунъӣ...
spot_imgspot_img

Омодагии шаҳрдорӣ ба мусобиқаи «Шоми бокс»

Чигунагии баргузории мусобиқаи "Шоми бокс" таҳти роҳбарии муовини якуми Раиси шаҳри Душанбе Бахтиёр Шарифӣ дар як ҷаласа баррасӣ шудааст. Ба...

ФИФА истеъдодҳои ҷавонро дар саросари кишвар меҷӯяд

Федератсияи футболи Тоҷикистон дар чаҳорчӯби барномаи «Talent Development Scheme»-и ФИФА раванди ҷустуҷӯ ва интихоби истеъдодҳои ҷавонро дар саросари кишвар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад