Роҳандозии механизми «монетизатсия» ё судоварии YouTube дар Ӯзбекистонро роҳбари Дастгоҳи иҷроияи Президенти Ҷумҳурии Ӯзбекистон Саида Мирзиёева бо ноиби президенти Google Каран Бхатия баррасӣ кардааст.
Ӯ таъкид кардааст, ки тағйирот дар қонунгузорӣ дар соҳаи коркарди маълумоти шахсӣ ва пардохтҳои рақамӣ барои истифодаи низомҳои байналмилалии пардохтӣ дар Ӯзбекистон шароит фароҳам меоранд.
«Имкониятҳо барои ҳамкорӣ бо ширкат хеле зиёданд. Дар пеш корҳои зиёде дорем», — гуфтааст Мирзиёева.
Дар гузориш гуфта мешавад, ки ба зудӣ дар Ӯзбекистон монетизатсияи YouTube ва Google Pay роҳандозӣ хоҳад шуд.
Масъалаи оғози монетизатсияро Саида Мирзиёева шахсан бо ноиби президенти Google Каран Бхатия баррасӣ кардааст. Ҷонибҳо ҳамчунин масъалаи роҳандозии Google Pay-ро муҳокима кардаанд. Дар сурати амалӣ шудани ин тавофуқ, блогерҳои узбек метавонанд расман аз YouTube даромад ба даст оранд.
Дар акс Роҳбари Дастгоҳи иҷроияи Президенти Ҷумҳурии Ӯзбекистон Саида Мирзиёева бо ноиби президенти Google Каран Бхатия
