ОЛАМИ МАҶОЗӢИхроҷи маълумоти шахсии ситораҳои Ҳолливуд: Анджелина Ҷолӣ низ дар...

Ихроҷи маълумоти шахсии ситораҳои Ҳолливуд: Анджелина Ҷолӣ низ дар байни осебдидагон

-

Ба иттилои як коршиноси амнияти сайберӣ, маълумоти шахсии чандин чеҳраи маъруфи Ҳолливуд, аз ҷумла Анджелина Ҷолӣ ва Роберт Де Ниро, дар натиҷаи ихроҷи маълумот фош шудааст.

Telegraph хабар медиҳад, ки рақамҳои телефони шахсӣ ва нишони почтаи электронии онҳо пас аз он дастрас гардиданд, ки чанд пойгоҳи додаҳои марбут ба Ҷашнвораи филми Tribeca дар интернет нашр шуданд.

Дар байни осебдидагон инчунин коргардонҳои маъруф Мартин Скорсезе, Ҷорҷ Лукас ва Дэнни Бойл, ҳамчунин ҳунармандон Морган Фриман, Ҷеннифер Лоуренс ва Вайнона Райдер низ ҳастанд.

Коршиноси амнияти сайберӣ Ҷеремайя Фоулер, ки аввалин шуда дар бораи ин ҳодиса хабар дод, мегӯяд, моҳи гузашта ҳангоми таҳқиқот ба ин маълумот дастрасӣ пайдо карда, фавран масъулони Ҷашнвораи Tribeca-ро огоҳ кардааст.

Ба гуфтаи ӯ, чор пойгоҳи додаи осебдида тақрибан 666 ҳазор сабт-ро дар бар мегирифтанд, ки ба давраи солҳои 2019–2026 ва фаъолияти ҷашнвораи солонаи филм дар Ню-Йорк марбут буданд.

Аксари файлҳо ба маводи маркетингӣ вобаста будаанд, аммо яке аз онҳо рақамҳои телефон ва суроғаҳои почтаи электронии шахсони машҳурро дар бар мегирифт, ки эҳтимолан маълумоти шахсӣ мебошанд.

Ба гуфтаи Фоулер, чунин маълумот метавонад барои ҳамлаҳои фишинг, паҳн кардани нармафзори зараровар ва фиристодани паёмҳои қаллобона аз номи дӯстон ё аъзои оилаи ситораҳо истифода шавад.

Дар посух, намояндагони ҷашнвора гуфтанд, ки масъалаи амнияти маълумотро хеле ҷиддӣ қабул мекунанд, таҳқиқотро оғоз намудаанд ва пойгоҳҳои додаи осебдидаро аз дастрасии умумӣ хориҷ кардаанд.

Ҳанӯз маълум нест, ки ин маълумот чанд вақт дар интернет дастрас буд ва оё шахсони дигар низ ба он дастрасӣ пайдо кардаанд. Ҳамчунин то ҳол далеле вуҷуд надорад, ки худи Ҷашнвораи Tribeca сабаби мустақими ихроҷи маълумот бошад.

Ҷеремайя Фоулер натиҷаҳои таҳқиқоти худро дар блоги як ширкати VPN нашр карда, таъкид намуд, ки ҳамчун муҳаққиқи ахлоқии амнияти киберӣ маълумоти ошкоршударо боргирӣ намекунад. Ба гуфтаи ӯ, ҳадаф танҳо огоҳ кардани созмонҳои дахлдор ва баланд бардоштани сатҳи огоҳӣ дар бораи аҳамияти ҳифзи маълумоти ҳассос мебошад.

Дар солҳои охир шахсони машҳур борҳо ҳадафи ҳамлаҳои киберӣ қарор гирифтаанд. Аз ҷумла, соли 2020 зиёда аз 100 ҳисоби Twitter (ҳоло X) рахна шуда буд. Он вақт ҳисоби Илон Маск, Канйе Уэст, Ким Кардашян, Барак Обама, Ҷо Байден, Билл Гейтс ва Ҷефф Безос барои таблиғи қаллобии марбут ба Bitcoin истифода шуданд.

Дар робита ба он ҳодиса, Грэм Иван Кларк, ки он замон ҳамагӣ 17-сола буд, ба гуноҳи худ иқрор шуд. Ҳамчунин Ҷозеф Ҷеймс О’Коннор аз шаҳри Ливерпул барои ҷиноятҳои киберӣ ба панҷ соли зиндон маҳкум гардид ва нисбат ба ду нафари дигар низ парванда боз шуда буд.

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Конститутсия — роҳнамои мо ба сӯи ҷомеаи ҳуқуқбунёд!

Конститутсия танҳо маҷмӯи моддаву меъёрҳои ҳуқуқӣ нест. Он санадест, ки ҳуқуқу озодиҳои моро ҳифз мекунад ва масъулияти ҳар яки...

Хару фил ба ҳизбҳои сиёсии Амрико чӣ иртибот доранд?

Оё медонед, ки чаро хар ва фил ба рамзҳои ду ҳизби асосии сиёсии ИМА - демократҳо ва ҷумҳурихоҳон табдил...

Вазири нақлиёти Испания баъди садамаи қатораҳо аз мақомаш истеъфо дод

Ба иттилои рӯзномаи El País, вазири нақлиёти Испания Оскар Пуэнте баъди бархӯрди қатораҳо дар музофоти Толедо аз мақомаш истеъфо...

Демократҳо эҳтимолан аксарияти курсиҳоро дар Палатаи намояндагони Конгресси Амрико ба даст меоранд

Демократҳо эҳтимолан аксарияти курсиҳоро дар Палатаи намояндагони Конгресси Амрико ба даст меоранд. Аммо муборизаи асосӣ барои Сенат идома дорад....
spot_imgspot_img

Арманистон метавонад солҳои 2027 ё 2028 барои узвият дар Иттиҳоди Аврупо дархости расмӣ пешниҳод кунад

Сарвазири Арманистон Никол Пашинян дар суҳбат бо Euronews изҳор доштааст, ки ин кишвар метавонад солҳои 2027 ё 2028 барои...

Ҳамлаҳои сайберӣ ба яхдонҳои сардкунанда дар 6 кишвари Аврупо

Ҳамлаҳои сайберӣ ба яхдонҳои сардкунанда дар 6 кишвари Аврупо ба қайд гирифта шудааст. Бештар аз ҳама мағозаҳои Белгия зарар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад