Ширкати OpenAI пешниҳод мекунад, ки ҳафтаи кории чаҳоррӯза «бидуни кам кардани маош» аз ҷониби коргоҳҳо таҷриба шавад. Ширкати Nvidia ва Zoom низ ҷонибдори гузариш ба ҳафтаи кории чоррӯза ва ҳатто серӯза ҳастанд.
OpenAI бар ин назар аст, ки зеҳни сунъӣ ба зудӣ аз инсонҳо ҳам донотар мешавад ва ин тарзи зиндагӣ, кор ва низоми андозбандиро ба таври куллӣ тағйир хоҳад дод.
OpenAI аз ҳукуматҳо даъват мекунад, ки дар пасманзари густариши истифодаи зеҳни сунъӣ асосҳои низоми иқтисодӣ, аз ҷумла тарзи кор кардан, даромад гирифтан ва андоз супоридани мардумро аз нав баррасӣ кунанд.
Яке аз пешниҳодҳои асосӣ таъсиси фонди ҷамъиятии даромад мебошад, ки ба ҳамаи шаҳрвандон ҳиссае аз рушди иқтисодии вобаста ба зеҳни сунъӣ медиҳад.
Ширкат ҳамчунин пешниҳод мекунад, ки ҳукуматҳо ширкатҳоро барои ҷорӣ кардани барномаҳои таҷрибавии ҳафтаи кории чаҳоррӯза «бе коҳиши маош» ҳавасманд намоянд то афзоиши маҳсулнокӣ аз ҳисоби зеҳни сунъӣ ҷуброн карда шавад.
Ғайр аз ин, пешниҳод шудааст, ки низомҳои пардохтҳои иҷтимоӣ, ба монанди нафақа ва дастрасӣ ба хизматрасонии тиббӣ, шакле ба роҳ монда шавад, ки ҳангоми иваз кардани ҷойи кор, соҳа ё оғози тиҷорати шахсӣ ҳамроҳи инсон боқӣ монанд.
Дигарон, аз ҷумла роҳбари Nvidia ва роҳбари Zoom ҷонибдори гузариш ба ҳафтаи кории чоррӯза ё ҳатто серӯза ҳастанд.
Тасвир дар пойгоҳи reve сохт шуд
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
2
+1
+1
+1
+1
+1
+1
