2 декабр Иттифоқи миллии журналистон ва Федератсияи байналмилалии журналистон (SNJ/IFJ) ба Прокуратураи миллии мубориза бо терроризм дар Париж барои ҳифзи рӯзноманигороне, ки дар Ғазза фаъолият мекунанд, шикоят пешниҳод карданд. Шикоят алайҳи мақомоти исроилӣ равона шудааст ва ба асоси шаҳодатҳои зиёди кормандони расонаҳои Фаронса такя мекунад.
Иттифоқи миллии журналистони Фаронса (SNJ) ва Федератсияи байналмилалии журналистон (IFJ) 2 декабр дар шабакаи X эълон карданд, ки ба прокуратураи миллии зиддитеррористии PNAT шикоят пешниҳод намудаанд.
Le Syndicat national des journalistes (SNJ) et la Fédération internationale des journalistes (FIJ) ont annoncé mardi 2 décembre 2025 déposer une plainte à Paris. Elle vise les autorités israéliennes pour avoir empêché les reporters français·es de couvrir le génocide à Gaza. Des… pic.twitter.com/S1SQpo1POB
— AJ+ français (@ajplusfrancais) December 2, 2025
Ин ду ниҳоди бузург — яке созмони бонуфӯзи касбии журналистони Фаронса ва дигаре бузургтарин иттиҳодияи рӯзноманигорони ҷаҳон, ки 600 000 кормандони ВАО-ро дар беш аз 140 кишвар намояндагӣ мекунад, «эҷоди монеаҳои муназзам ба кори журналистон дар қаламравҳои ишғолшудаи Фаластин»-ро маҳкум намуданд.
Ба андешаи онҳо, мақомоти исроилӣ дар «ҷиноятҳои ҷангӣ» нисбат ба рӯзноманигорони фаронсавӣ гунаҳкор дониста мешаванд, ки ин ба рокуратураи миллии зиддитеррористӣ ҳуқуқи расидагӣ ба парвандаро медиҳад.
Дар изҳорот гуфта мешавад, ки ҳангоми таҳияи шикоят SNJ ва IFJ ба «шоҳидии сершумори рӯзноманигорони фаронсавӣ» такя кардаанд. «
«Блокадаи созмонёфта, муназзам ва тӯлонӣ»
Дар шикоят зикр мешавад, ки мақомиҳои исроилӣ ба кори журналистон монеа эҷод мекунанд, аммо «ягон шахси мушаххас» ҳадаф қарор дода нашудааст. Монеасозӣ, ба гуфтаи онҳо, аз ҷониби бахшҳои ҳарбӣ, полис, гумрук, инчунин шахсони воқеӣ ва сокинони колониявӣ анҷом дода мешавад.
Рӯзноманигорони фаронсавӣ хабар додаанд, ки онҳоро ба баъзе минтақаҳо роҳ намедиҳанд, таҷҳизоташонро тафтиш мекунанд, таҳдид ё мусодира мекунанд. Баъзеҳо ҳатто мавриди ҳамлаи ҷисмонӣ қарор гирифтаанд, ба сӯи онҳо силоҳ доштанд, боздошт, кофтукоб ва бозпурсӣ шуданд ва баъзан беасос ихроҷ гардиданд.
Яке аз рӯзноманигорон, ки барои чанд нашрияи фаронсавӣ кор мекунад, хабар додааст, ки шабе ӯро тақрибан «панҷоҳ шаҳрванди исроилӣ, мусаллаҳ бо силоҳи оташфишон, зарфҳои бензин ва чӯбдастҳо» таъқиб кардаанд.
Котиби генералии Федератсияи байналмилалии журналистон Антони Белланже изҳор доштааст: «Мо дигар наметавонем таҳдид, тарсдиҳӣ ва таъқиби рӯзноманигорони фаронсавиро дар қаламравҳое, ки ҳуқуқи башардӯсти байналмилалӣ ба таври комил амал мекунад, таҳаммул кунем». Ӯ афзуд: «Ин шикоят як қадами зарурист: он хотиррасон мекунад, ки ҳеҷ кас болотар аз ҳуқуқи байналмилалӣ нест ва ҳақиқатро пинҳон кардан мумкин нест».
225 рӯзноманигор аз оғози низои Ҳамос ва Исроил кушта шудаанд
Шикоят такя ба ҳуқуқи аврупоӣ, Паймони байналмилалии ҳуқуқҳои шаҳрвандӣ ва сиёсӣ ва Кодекси ҷиноятии Фаронса мекунад.
Аз октябри соли 2023 то имрӯз, ба гуфтаи Федератсияи байналмилалии журналистон, «ҳадди аққал 225 рӯзноманигор ва кормандони ВАО кушта шудаанд, чандин нафар маҷрӯҳ, дигарон бедарак шудаанд».
