Таҳрири нодурусти суханронии президенти ИМА Доналд Трамп боиси истеъфои ду раҳбари баландпояи BBC гардид. Директори генералӣ Тим Дейви ва раҳбари бахши хабар Дебора Тернесс баъди фош шудани таҳқиқоти дохилӣ дар бораи таҳрири нодурусти суханронии президенти ИМА Доналд Трамп аз мансаб истеъфо доданд.
Сабаби аслии ҷанҷол нашри филми мустанади Panorama пеш аз интихоботи президентии ИМА дар соли 2024 мебошад. Дар он ду порчаи суханронии Трамп ба ҳам пайваст карда шудаанд, то гӯё ӯ ошӯби 6 январи соли 2021 дар Капитолийро ташвиқ мекунад. Филм аз ҷониби ширкати истеҳсолии мустақил таҳия шудааст.
Трамп BBC-ро таҳдид кардааст, ки агар то 14 ноябр филмро пок накунад, даъвои судии на камтар аз 1 миллиард доллариро шурӯъ мекунад.
Гузориши дохилӣ дар кори иттилоърасонии BBC оид ба Трамп, ҷанги Исроил ва Ҳамос ва масоили марбут ба шахсони трансгендер камбудиҳоро зикр кардааст.
«Истеъфоҳо, ба ҷои ором кардани вазъ, BBC-ро ба бузургтарин буҳрони чанд даҳсолаи охир гирифтор кард. ва ин ширкати давлатӣ бе роҳбар мондааст.»,-менависад Рейтерс.
BBC, ки соли 1922 таъсис ёфтааст, яке аз куҳантарин муассисаҳои расонаии ҷаҳон аст ва имрӯз ба 42 забон иттилоъ пахш мекунад. Он бузургтарин пойгоҳ ё сомонаи хабарии англисзабони ҷаҳонро идора менамояд.
