Яке аз роҳҳои асосии баҳодиҳии сатҳи коррупсия ин баргузор намудани тадқиқоти маҷмӯии сотсиологӣ арзёбӣ мегардад. Зеро, муайян намудани ҳолати воқеии мавҷудияти коррупсия дар ин ва ё он соҳа имконият медиҳад, ки роҳҳои нав ва самарабахши муқовимат ба коррупсия коркард ва роҳандозӣ карда шавад.
Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 ба мақсад мувофиқ мешуморад, ки ҳадди ақал дар панҷ сол ду маротиба тадқиқоти маҷмӯии сотсиологӣ баргузор карда шавад.
Агентии назорати давлатии молиявӣ ва мубориза бо коррупсия бо ҷалби мутахассисони Маркази тадқиқоти стратегии назди Президенти Тоҷикистон дар шаҳру ноҳияҳои ҷумҳурӣ тадқиқоти маҷмуии сотсиологиро баргузор намуд, ки мақсади он омӯзиши дарки коррупсия аз ҷониби аҳолӣ ҷиҳати дарёфти роҳу усулҳои муосири муқовимат ба коррупсия ва муқаррар намудани сиёсати зиддикоррупсионии кишвар унвон мегардад.
Чунин таҳқиқотҳо дар кишвар қаблан низ анҷом шудаанд. Сулаймон Султонзода, директори Агентии назорати давлатии молиявӣ ва мубориза бо коррупсия мегӯяд, дар ҳама шохаҳо барои тақвият додани мубориза бо коррупсия анҷом мешавад.
