Ба иттилои Хадамоти алоқа, нархи интернет имсол арзон шуд. Зеро, арзиши воридотии интернет ба кишвар кам гардида, арзиши хизматрасониҳои интернети мобилӣ ва собит аз тарафи операторони ватанӣ коҳиш ёфт.
«Арзиши тарофаҳои провайдерони интернети собит ба ҳисоби миёна, то 55 фоиз, поён карда шуда, тарофаҳои бо суръати камтар аз 5Мбит/с, бекор гардиданд.»,-зикр шудааст дар ҷаласаи ҳайати мушовараи Хадамоти алоқа, ки дар он масъулини соҳаи алоқаи вилоятҳои Хатлон, Суғд, ВМКБ, минтақаи Кӯлоб ва ноҳияҳои тобеи марказ ширкат доштанд.
Дар Хадамоти алоқа маркази тамос бо рақами кӯтоҳи “4030” барои ҳалли масъалаҳои техникӣ ва дархостҳои марбут ба соҳаи алоқаи барқӣ фаъолият намуда, то санаи 3 апрели соли 2025 ба маркази тамоси номбурда 2 758 адад арзу шикоят ворид гардида, аз ин шумора 1 882 адад иҷро ва боқимонда 876 адад арзу шикоят мавриди баррасӣ қарор доранд.
