Илон Маск, соҳибкори амрикоӣ, роҳбари департаменти самаранокии идораи давлатии (DOGE) ИМА дар шабакаи иҷтимоии X навишт, ки системаҳои интернети моҳвораии Starlink ҳеҷ гоҳ терминалҳои худро дар Украина қатъ намекунанд.
«Новобаста аз он ки ман бо сиёсати Украина розӣ нестам, Starlink ҳеҷ гоҳ терминалҳои худро қатъ намекунад.» — навиштааст ин миллиардер.
Ӯ шарҳ додааст, ки бидуни Starlink «хатҳои фронти Украина фурӯ хоҳанд рехт.»,-зеро нерӯҳои Русия метавонанд ҳама гуна низоми мухобироти дигарро пахш кунанд.
4 март маъмурияти ИМА тасмим гирифт, ки тамоми кумаки низомии ба Украина расонидашавандаро то он даме, ки омодагии худро барои оғози гуфтушунидҳои сулҳ бо Русия нишон надиҳад, боздорад.
Худи ҳамон рӯз, рӯзномаи The Economist бо истинод ба манбаъ навишт, ки Киев барои ҳолатҳои қатъ шудани дастрасӣ ба шабакаи моҳвораии Starlink, барои хизматчиёни ҳарбӣ каналҳои иловагии иртиботӣ таҳия карда истодааст.
Дар навбати худ, хабаргузории AFP хабар дод, ки оператори алоқаи моҳвораии фаронсавии Eutelsat бо роҳбарияти Иттиҳодияи Аврупо дар мавзӯи имконияти ҷойгиркунии терминалҳои иловагӣ дар Украина гуфтушунид дорад.
9 март вазири дифои Полша Радослав Сикорский изҳор дошт, ки кишвари ӯ дар сурати қатъ кардани Starlink аз ҷониби Маск дар Украина, барои системаи интернети моҳвораии Starlink ивазкунанда хоҳад ёфт.
Акс аз шабакаи интернет
