Ҳабиб Нурмагомедов (Нурмуҳаммадов), қаҳрамони собиқи UFC аз ҳавопаймо берун карда шуд.
Ӯ дар саҳифаи худ дар инстаграм нигаронӣ кард, ки меҳмондор ӯро аз ҳавопаймои муттааллиқ ба ширкати Frontier Airlines берун кард.
«Зане, ки ба ман муроҷиат мекард, аз ибтидо рафтораш дағалона буд, гарчанде ман бо забони англисӣ хуб ҳарф мезанам ва ҳама чизро мефаҳмам, ӯ ба ҳар ҳол исрор мекард, ки маро аз курсиам дур кунад. Сабаб чӣ буд, бадбинии нажодӣ, миллӣ ё чизи дигар, ман аниқ гуфта наметавонам. Пас аз як сӯҳбати кӯтоҳ вай ба муҳофизон занг зад ва маро аз ин ҳавопаймо берун карданд. Ман тамоми кори аз дастам меомадаро мекардам то ором бошам ва ба иғво дода нашавам. Ман фикр мекунам, ки одамон бояд меҳрубонтар бошанд.»,-навиштааст Ҳабиб Нурмагомедов.
Ин размкори риштаи муҳорибаҳои омехта пас аз 1,5 соат ба ҳавопаймои дигар ба ҷойи лозима расид.
Ҳаби́б Нурмуҳаммадов размикори шикастнопазири ҳунарҳои размии таркибӣ, қаҳрамони сабуквазни мусобиқоти UFC аст.
