Сергей Вялов, гастроэнтерологи шинохта ва фаъол дар шабакаҳои иҷтимоӣ нақл мекунад, ки чӣ гуна сэндвич ва равғану панир ба дил ва ғадуди зери меъда зиён мерасонанд.
-Равған серкалориятарин, вале зиёновартарин ғизо аст. Хусусан, агар он аз ҳайвонот бошад. Он дорои холестерин ва триглитсеридҳо мебошад. Он сарбории ғадуди зери меъдаро зиёд мекунад ва рушди атеросклерози рагҳои хунрави тамоми баданро метезонад.
⠀
🍔 Рад кардани сэндвич рӯҳан дардовар аст. Аммо донед, ки он ба дил ё ғадуди зери меъда зараровар аст. Вақте шумо дар як вақт бисёр хӯрок мехӯред, ғадуди зери меъда бештар дард мекунад. Вақте ки шумо ҳар рӯз сандвич бо равған ва панир мехӯред, авзои дил бадтар мешавад.
🔹 Агар шумо дар як вақт миқдори зиёди равған истеъмол намоед, ин кори ғадуди зери меъда ва ҷигарро сахт мекунад. Ин ду узв дар реҷаи шадид ферментҳову сафро (желч) истеҳсол мекунанд.
Дар рӯдаҳо оби понкорос (панкреатический сок) бо сафро омехта шуда, фаъол мешавад ва ҳазми ғизо шурӯъ мегардад. Аммо агар сандвич аз ҳад зиёд бошад ва ба он машрубот ҳамроҳ, талаботи сафро аз ғадуди зери меъда беш мегардад, ферментҳоро пеш аз вақт фаъол мекунад ва натиҷаи он панкреатити шадид асту бас!
🔹Барои дил он қадар муҳим нест, ки шумо имрӯз чанд сандвич хӯрдаед. Муҳим ин аст, ки шумо ин корро фардо, пас аз фардо ва рӯзҳои баъдӣ такрор мекунед. Ҳар қадаре ки шумо равғани ҳайвонотро зиёдтар истеъмол кунед, ҳамон қадар миқдори холестирин ва триглитсеридҳо дар хун баланд мешавад ва атеросклероз ҳамон қадар тезтар инкишоф меёбад. Пулакҳои атеросклеротикӣ гардиши хунро дар дил бозмедоранд — ҳамин тавр бемории ишемияи дил меҳмонатон мешавад: стенокардия ва сактаи дил.
⠀
🔹Чӣ бояд кард? Аз сандвичҳо бо панир комилан даст кашидан шарт нест, аммо ба ҳар ҳол донистан лозим аст, ки кай қатъ кардан лозим. Режими ғизоиро бештар бо сабзавот ва камтар аз ҳайвонот танзим бояд кард. Давоми рӯз се бор ғизо мехӯрем. Тавсияҳои муосир чунин аст, ки ҳадди ақал як бори он гиёҳхорӣ бошад. Гастроэнтерологҳо бо ин розӣ ҳастанд, ки ҳар қадар режими ғизоӣ дуруст ба роҳ монда шавад, хатари бемориҳои ғадуди зери меъда, ҷигар ва рӯдаҳо камтар мешавад.
