Қаллобон тариқи месенҷерҳо, бахусус Telegram, нармафзори вирусие мефиристанд, ки зери тасвир пинҳон шудааст.
Паёмҳо бо файлҳои APK ва сарлавҳаи «акс» ба истифодабарандагони паёмрасонҳо дастрас мегардад. Ба чунин паёмҳо қаллобон скриншоти мукотибаеро замима мекунанд, ки дар он файли APK бо номи “акс” ва саволи: “Салом, дар ин акс шумо ҳастед?” мефиристанд. Агар шумо паёмро боз кунед, смартфон ба вирус сироят меёбад ва соҳиби на танҳо маълумоти шахсӣ, ҳатто дастрасӣ ба ҳисобҳо ва маблағҳояшро низ аз даст медиҳад. Ҳангоми дарёфти чунин паём ин гуна файлҳоро боргирӣ накунед. Инчунин тавсия дода мешавад, ки антивирусро дар компютер ва телефони худ насб кунед. Насби барномаҳоро аз манбаъҳои тасдиқнашуда хомӯш намоед. Илова бар ин, дар ҳама мессенҷерҳо ба шумо лозим аст, ки боргирии автоматии файлҳоро хомӯш кунед.
