Роскомнадзор аз провайдерҳои интернетӣ чӣ мехоҳад?

Провайдерҳои интернетӣ, ки хостинги видеоии YouTube-ро суръат мебахшанд, метавонанд иҷозатномаи худро барои саркашӣ аз маҳдудиятҳои дастрасии манбаъҳо аз даст диҳанд. Дар ин бора маҷаллаи Forbes бо такя ба изҳороти Роскомнадзор хабар додааст.

Нашрия қайд мекунад, ки 30 август ва 2 сентябр шӯъбаҳои Роскомнадзор дар навоҳии (округи) федералии шимолу ғарбӣ, Ҷумҳурии Доғистон ва вилояти Рязан ба операторҳо «дар бораи риояи талаботи ҳатмӣ» мактуб ирсол карданд. Дар онҳо танзимкунанда ҳушдор додааст, ки дар сурати иҷро нашудани дастур нисбат ба провайдерҳо чораҳои ҷавобии пешбининамудаи Қонуни «Дар бораи алоқа» татбиқ карда шаванд.